Çavkaniyekî fermî ji Rûdawê re ragihand, îro danê sibê li parêzgeha Kerkûkê ji aliyê kesekî nenas ve teqe li çeperekî Hêzên Pêşmerge hatiye kirin û di encamê de pêşmergeyek bi sivikî birîndar bûye.

Îro li Bendava Xase û li gundê Koçek çekdarên nenas teqe li çeperekî Hêzên Pêşmerge kirin.

Derbarê bûyerê de Fermandarê Lîwaya 114 a Hêzên Pêşmerge, Serkewt Çimenî ji Rûdawê re ragihand, “2 gule ji cihekî nediyar ve ber bi hêzên wan ve hatine avêtin û di encamê de pêşmergeyek bi sivikî birîndar bûye.”

Fermandarê Lîwaya 114 a Hêzên Pêşmerge herwiha got, “Pêşmerge di nav çepera xwe de di amadebaşiyeke temam de ne û diyar kir, "Me bersiv da û êrîşkar reviyan.”

Di rûpela facebookê ya gund de hatiye îdiakirin ku ew pêşmerge bi çeka sekvanî (qenas) birîndar bûye.

Heta niha ti aliyekî berpirsyariya êrişê negirtiye ser xwe.

 

Rudaw