Îran – Li Sîstan û Belûçistanê herî kêm 5 pasdar hatin kuştin û birîndar bûn
Şeva borî li herêma Sîstan û Belûçistan ya Îranê û li nêzîkî sînorê Pakistanê, komek çekdarên nenas êrişî pasdarên Îranê kirin.
li gorî medyaya Îranê, di wî şerî de du pasdar hatine kuştin û 3 jî birîndar bûne, yek ji kuştiyan efserekî piledar bûye.
Heta niha nayê zanîn ewên ku êrişî pasdarên Îranê kirine, kî ne lê piraniya şer û êrişên ku li herêma Sîstan û Belûçistanê diqewimin, ji aliyê çekdarên îslamî yên grûpa Ceyşul Edl ve tên kirin.
Grûpa Ceyşul Edl grûpeke îslamî-sunnî ye û bo mafên belûçan şer dike.
Basnews
