Serokwezîr Mesrûr Barzanî piştî beşdariya korbenda diyaloga Menamê ya 2021ê û civîna ligel berpirsên pile bilind ê cihanê vegeriya Hewlêrê.

Êvara îro roja yekşemê 21. 11.2021ê Serokwezîr Mesrûr Barzanî piştî beşdariya li korbenda lutkeya (Diyaloga Menamê 2021) ku bi beşdariya berpirsên pile bilind ê cîhanê, di maweya 3 rojan li Menameya paytexta Behreynê hatibû sazkirin vegeriya Hewlêrê. 

Di roja yekem a korbenê de Serokwezîr Mesrûr Barzanî beşdarî panelekê bû derbarê guhertinên û rûdanên li Iraqê û herêmê.

Herwiha Serokwezîr Mesrûr Barzanî di korbendê de gelek hevdîtin bi berpirsên welatên Ewropa û Amerîka û welatên Kendava Erebî re pêk anîn.

Herwiha di hevdîtinan de rewş û rûdanên li herêmê, aloziyên dawî yên li Iraqê û peywendiyên duqolî û bihêzkirina peywendiyan di warê siyasî, aborî û ewlehiyê de mijarên serekî yên hevdîtinan bûn.