Tê gotin ku Tirkiye li hember encamên hilbijartinên parlamentoya Iraqê li Kerkûkê nîgeran e û di wê baweriyê de turkmenên Kerkûkê bi temamî hatine piştguhxistin.

Duh li seranserî Iraq û Herêma Kurdistanê piroseya dengdana hilbijartinên parlamentoya Iraqê hat lidarxistin.

Encamên destpêkê yên hilbijartinan eşkere bûne. Li gorî wan encaman, li hinek deveran bi taybet li devera Silêmaniyê û Kerkûkê sextekariyên mezin hatine kirin.

Tê gotin ku li Kerkûkê jî hêzên alîgirên komara îslamî ya Îranê gelek deng bi dest anîne û dengên turkmenan gelekî kêm bûne. Ev jî bûye sebeba nîgeraniya Tirkiyê.

Li gorî agahiyan, bihêzbûna Heşda Şeibî û lawazbûna turkmenan li Kerkûkê, Tirkiye nîgeran û tengav kiriye, çimkî Tirkiye ditirse Kerkûk bi temamî bikeve bin hejmoniya Îranê û turkmen bên piştguhxistin û mafên wan jî bên xwarin.

Basnews