Parêzgarê Kerkûkê Necmedîn Kerîm diyar kir, ku beşdariya Kurdan di hilbijartinên navçeyên madeya 140î de, şaştî ye û pêwîstbû Kurdan li wan navçeyan hilbijartin baykot kiriban, ji ber ku ew navçeyana dagîrkirî ne.

Di simînareke Navenda Widro Wilson de ji bo lêkolînan û diyalogê, li Washingtonê. Necmedîn Kerîm, behsa çarenivîs û pêşeroja Iraqê û rola Kurdan û encamên hilbijartinan kir.

Di daxuyaniyeke taybet de ji bo K24ê ragehand û pêşbînî kir, ku Kurd di van hilbijartinan de, wek sala 2014an serketinê bidest ve naynin.

Necmedîn Kerîm zelel kir, ku beşdariya Kurdan di hilbijartinên Perlemana Iraqê de li Kerkûkê û navçeyên dagîrkirî şaştî ye, ji ber ku rewşa wan navçeyan ne normal e, gelek xelk ji wan navçeyan koçber bûne.

Basnews