Erşed Salihî hedê xwe derbas kir û dev dirêjî pêşmerge kir
Dibêje ev rê nadin pêşmerge vegere Kerkûkê.

Serokê eniya tirkimanî ya Îraqê Erşed Salihî ku li Îraqê weke sîxorê Tirkiyeyê tê nasîn, devê xwe dirêj kir û hedê xwe têperand û gef li Kurd kir.

Erşed Salihî diyar kir ku rewşa Kerkûkê ya niha gelek baş û arame û jiber ku hêzên Kurdî li vê bajarê de tunene rewşa Kerkûkê arame.

Salihî herwiha di şûna tevahiya şênî û pêkhateyên Kerkûkê jî hedê xwe derbas kiriye û gotiye: Tevahiya pêkhateyên Kerkûkê ji rewşa niha ya Kerkûkê û hêzên ewlekarî yên li Kerkûkê razîne û dibêjin jiyan, can û malê me hatiye parastin.

Salihî di beşeke din ji axaftinên xwe de gef li Kurdan dike û dibêje eger hikûmeta Îraqê jî razî be bi vegerana hêzên pêşmerge bo Kerkûkê emê weke tirkiman razî nebin û rê nadin ku pêşmerge vegere û hêza Tirkimanan jî heye ku rewşa deverê biparêzin.

K24