Parlementerê Tevgera Gorran di Civata Nûnerên Iraqê de Mesûd Heyder bi yekcarî dev ji Tevgera Gorran berda.

Jêderekî nêzîk ê Parlementerê Tevgera Gorran di Civata Nûnerên Iraqê de Mesûd Heyder ji Kurdistan24 re ragihand, ew Parlementerê Gorran bi yekcarî dest ji Tevgera Gorran û fraksiyona wê li Bexdayê berda.

Di daxûyaniyekê de, ku li ser rûpela xwe ya tora civakî ya facebookê belavkiriye, endamê Civata Nûnerên Iraqê Mesûd Heyder ragihandiye, wek çawa di 4 salên borî de û bi bêbinema li ser helwestên wî yên netewî, ji aliyê grûbek diyarîkirî ve, teşhîr û xeber ji wî re dihatin gotin, niha piştî dest ji kar vekşandina wî jî, heman grûb xeberan û teşhîrê arasteyî wî dikin. Navborî amaje bi wê yekê jî kir, hem wek malbat, û hem jî wek kes, herdem wan xebat ji bo xak û xelkê Kurdistanê û ji bo maf û gel bûn e û dibin. Mesûd Heyder dest jikar vekşandina xwe ji Gorran piştrast kir û got, ew dê bêlayen bimîn e û peywendiyê bi tu hizbekî û aliyekî siyasî re nake.

Mesûd Heyder yek ji wan Parlementerên Kurd bû, ku dûr ji nakokiyên di navbeyna aliyên siyasî yên Kurdistanê de, berdewam rexne li siyaseta nerast a hikumeta Iraqê hember herêma Kurdistanê digirt, û li ser pirsên netewî yên Kurd dengek bilind hebû.

K24