Serokwezîrê Iraqê Heyder Ebadî, di pêwendiyeke telefonî de, bi helkefta koça dawî ya Dilovan Idrîs Barzanî, sersaxî ji serok Mesûd Barzanî re xwest.

Piştî encamdana referanduma xelkê Kurdistanê ji bo serxwebûnê ji Iraqê, ku di roja 25/9/2017an de hat encamdan, ev yekem car e serokwezîrê Iraqê û Serok Barzanî pêwendiyeke telefonî encam didin.

Pêştir jî di roja 2 Nîsanê de, Ebadî ji bo sersaxiya Serokwezîrê Herêma Kurdistanê bike, pêwendiyeke telefonî li gel Nêçîrvan Barzanî encam da.

Roja Duşemê 2/4/2018an, Dilovan Idrîs Barzanî, birayê serokwezîrê Herêma Kurdistanê Nêçîrvan barzanî, di temenê 52 salî de, bi sedema celteya dil, li bajarê Hewlêrê, koça dawî kir.

Bi wê helkeftê çendîn serok û serkirdeyên cîhanî û yên navçeyê, bi riya beşdarîkirinê di behyê û pêwendiyên telefonî û peyamên taybet, sersaxî ji Serok Barzanî û Nêçîrvan Barzanî re xwestin.

K24