Binalî Yildirim Serokwezîrê Tirkiyeyê, roja 05.04.2018ê bi boneya wefata Dilovan Îdrîs Barzanî, birayê Nêçîrvan Barzanî, bi telefonê peywendî bi Nêçîrvan Barzanî Serokwezîrê Herêma Kurdistanê kir û sersaxî jê re xwest.

Serokwezîrê Tirkiyeyê Binalî Yildirim, tevî xwestina sersaxiyê ji Serokwezîr Nêçîrvan Barzanî re, hevxemî û hevderdiya xwe jî, ji ber wefata neliwext ya Dilovan Îdrîs Barzanî ji Nêçîrvan Barzanî û malbata Barzanî re nîşan da û xwe bi hevxem û hevkovanê wan zanî û ji Xwedayê mezin hêvî xwest ku xwedê jê razî bi rehma xwe bi beheştê şad bike.

Yildirim hêvî xwest ev wefata xemgîn kovana dawiyê ya malbata Berzanî be û Xweda sebirê bi wan bide.

Nêçîrvan Barzanî ji bo wê peywendiya telefonî û nîşandanan hevderdî û hevxemiyê di vê dema dijwar de, sipasiya Binalî Yildirim Serokwezîrê Tirkiyeyê kir.