Mehma Xelîl: Şingal dê bibe Efrîna duyem!
Qaymeqamê qeza Şingalê Mehma Xelîl ji BasNewsê re ragehand, heta naha hêzên PKKê ji Şingalê derneketine û bi tenê rêya ragehandinê aşkera kirine ku dê derkevin û hîn ti tiştek diyar nîne. Di Şingalê de mane û ji ber vê yekê naha metirsiya operasyona artêşa Tirkiyê ya li ser Şingalê heye û em ji vê yekê ditirsin ku Şingal bibe Efrîna duyem.
Herwaha got, Şingal bixwe devereke wêran bûyî ye û xirabeye û hêza wê tineye ku ti şereke din rake û em bi ti awayî naxwazin Şingal bibe qada şer a di navbera artêşa Tirkiyê û hêzên PKKê de.
Mehma Xelîl got, hikûmeta Iraqê naha berpirse ji parastina Şingalê û çawa Heşdî Şeibî naha hatiye û têde ye, li ser wan erke ku ji hêzên Tirkiyê û PKKê jî biparêzin.
Basnews
