DAIŞê li ser rêya Kerkûkê xaleke kontrolê danî û êrişî welatiyên sivîl kir. Li gor agahiyên berdest 6 kes di van êrişan de canê xwe ji dest dan û 21 kes jî birîndar bûn.

Çekdarên DAIŞê bi cil û bergên polîsan li ser rêya Kerkûkê xaleke kontrolê danîn. Hat ragihandin ku van çekdaran gule li du wesayîtên sivîl reşandine.

Hat ragihandin ku di encamê de zarok jî di nav de 6 kes hatin kuştin û 21 kes jî birîndar bûn.

Berpirsê Beşa Ragihandinê yê Polîsê Kerkûkê got, ‘DAIŞê li ser rêya di navbera navçeya Daqûq a Kerkûkê û Xurmatûya Selahedînê xaleke kontrolê danî û wesayîtên sivîl sekinandin û herwiha êrişî sivîlan kirin.’

Hat ragihandin ku çekdarên DAIŞê cil û bergên polîsan li xwe kirine.

Basnews