Şandeke Wezareta Derve ya Amerîka serdana bajarê Minbicê yê Rojavayê Kurdistanê kir û ligel bepirsên rêvebir ên Minbicê civiya.

Peyamnêrê K24ê da zanîn, îro Şanda Amerîkî bi Serokatiya Şêwirmendê Wezareta Derve ya Amerîka William Roebuck serdana Minbicê kir û di civînekê de ligel Rêveberiya Sivîl ya Minbicê William Roebuck tekez kir, hêzên Amerîkî dê li Minbicê bîmînin û alîkariya wan di warên leşkerî, aborî û siyasî de berdewam be.

Wezîrê Derve yê Tirkiyê Mewlût Çawîşoglu berî çend rojan gotibû, wan digel Amerêkayê lihev kirine û YPG li Minbicê namîne. Got jî, piştî ku YPG ji Minbicê vekişiya, dê leşkerên Tirkiye û Amerîkayê bi awayek hevbeş Minbicê bi rê ve bibin.

Lê Peyvdara Wezareta Derve ya Amerîka Heather Nauert li gotinên Çawûşoglu got: “TI rêkeftin ligel Tirkiye nehatine kirin, hevdîtin hene, lê rêkeftin nebûne”.

Peyamnêrê me da zanîn, ji aliyê Rêveberiya Minbicê ve her yek ji Hevserokên Encûmena Zagonzas Faroq El-Maşî û Nerîfe Xilo û Hevserokê Encûmena Cibicîkar Îbrahîm Qeftan û hin endamên din beşdarî civînê bûbûn.

K24