Hêzeke zêde ji Pêşmergeyan ber bi nahiya Newcolî ya Kifrî hatin şandin.

Birêveberê Nahiya Newcolî Dilêr Ebdula ragihand ku piştî hin çalakiyên çekdarên Heşda Şebî û komkirina hêzeke zêde yê Heşda Şebî li Xurmatû, wan biryardan ku hêzeke zêde ji Pêşmergeyan li Nahiya Newcolî werin bicihkirin.

Dilêr Ebdula got: Ew his dikin ku çekdarên Heşda Şebî dê bi karekî leşkerî rabin lewma tevaya Hêzên Pêşmerge li navçeyê ketine rewşa amadebaşiyê de, û amadene ji bo bersivdayîna her êrîşekê.

Dilêr Ebdula anî ziman ku îro fermandeyên Hêzên Pêşmerge digel hejmarek ji nûnerên aliyên siyasî yên navçeyê civiyan, û tekezî kirin ku bi ti awayî Hêzên Pêşmerge xwe ji navçeyên nakşînin.

Bajaroka Newcolê ser bi navçeya Kifrê ye û nêzîka 30 kilomitran ji Xûrmato dûr e, û beriya du rojan helîkopterên ser artêşa Iraqê bi hêceta hebûna çekdaran hin gundên wê bordûman kirin.