Li herêma di navbera Xurmato û Kîfrî de 2 polîsên petrol û gazê yên Herêma Kurdistanê hatine şehîdkirin. Hê jî nayê zanîn ka ew polîs bi destê kîjan hêzê hatine şehîdkirin.

Li gundê Xerre ya di navbera Xurmato û Kîfriyê de 2 polîsên Kurd hatine şehîd kirin. Yek ji wan polîsan xelkê Kifrî û yê din jî ji Cebareyê ye.

Peyamnêrê Rûdawê li Germiyanê ragihand, malbatên polîsan niha hewl didin termên wan werbigrin.

Peyamnêrê me got: “Hinek dengûbehs dibêjin, ku bi destê Heşda Şeibî hatine şehîdkirin. Lê hinek kes jî dibêjin, ew grûba çekdar a nenas polîs şehîd kirine. Herwiha tê gotin, ku beriya demekê hêzên ewelkariya Kurdistanê 2 çekdarên vê grûba nenas girtine. Wan jî ji bo tolhildanê polîsên Kurd girtine û ew kuştine.”

Peyamnêrê me da zanîn, ku xelkê gundê Xerre dibêjin polîsên Kurd ji aliyê grûba çekdar a nenaskirî ve hatine şehîdkirin, ku piştî 16ê Cotmehê li herêmê peyda bûne.

Rudaw