Çar kongressmanên Amerîkî nameyek ji Wezîrê Derve yê Amerîke re Rex Tillerson re birê kir û daxwaz jê kir bi tevahiya tedabîrên li ber dest, rêgiriyê li êrîşên mîlîşyayên Şîe yên ser bi Îranê ve li ser Herêma Kurdistanê bike.

Çar kongressmanan di nameyekê de nîgeraniya xwe ji êrîşên mîlîşyayên Şîe yên bi hevkarî û serperiştiya rasterast a Îranê li ser navçeyên di jêr kontrola Herêma Kurdistanê de nîşan dan û dan zanîn, ew karên hikûmeta Iraqê ji bilî zêdekirina aloziyan li wan navçeyan, ti sûdeke din tê de nîne.

Amaje bi wê kirin ku, her yek ji hikûmeta Iraqê û hikûmeta Herêma Kurdistanê du hevbeşên sereke ne di şerê li dijî terorê de.

Di nameyê jî piştevaniya xwe ji Wezîrê Derve yê Amerîka re tekez kirin, ji bo piştevaniya Iraqî û Kurdistaniyan bike, ji bo peydakirina aramiyê li navçê û berdewamiya wan di şerê li dijî terorê de.

Endamên Kongerssa Amerîkî Ralph Abraham, Marsha Blackburn, Jared Polis û Mike Gallagher di dawiya nameya xwe de dibêjin: “Li benda bersiva bilez in”

K24