Di civîna Civata Ewlekariya Nîştîmanî ya Iraqê de, ku bi serokatiya Serokwezîrê Iraqê Heyder Ebadî hate kirin, li ser torên peywendiyên telefonan, navçeyên nakok û karmendên ku di referandûmê de deng bikar anîne, biryarên nû hatine wergirtin.

Di daxuyaniya Civata Ewlekariya Nîştîmanî ya Iraqê de hatiye gotin: “Divê torên telefonan bikevine bin desthilata hikûmeta navendî û veguhezine Bexdayê.”

Herwiha Civata Ewlekariya Nîştîmanî ya Iraqê dibêje: “Ji bo herêmên nakok careke din bikevin bin kontrola hikûmeta navendî divê gavên nû werin avêtin.”

Di daxuyaniyê de hatiye diyarkirin: “Pêwîste li hember wan fermanber û karmendên di giştpirsiyê de deng bikar anîne, rêkarên yasayî werin kirin.”

Civata Ewlekariya Nîştîmanî ya Iraqê biryar da ji bo girtina sînoran pêdaçûn were kirin û tê gotin: “Divê hemû cure danûstandinên bazirganî û datayên wan bikevine bin desthilata hikûmeta Iraqê.”

Rudaw