Di daxûyaniyeke ku belavkirî de, Endamê serkirdeyatiya Partiya CDU (ku Partiya desthilatdar a Almanya ye) û Cîgirê Serokê Parlemantoya herêma Brandenburg Dieter Dombrowski piştgiriya xwe ji bo referendûma serxwebûna Kurdistanê diyarkir.

Di daxûyaniya xwe de Dombrowski bala raya giştî dikşîne ku, hêvîdar e proseya referendûma serxwebûna Kurdistanê bi erênî encam bide.

Dombrowski di daxûyaniya xwe de diyar dike:

Hevalên kurdên hêja,

Ez ji hemû welatiyên herêma Kurdistanê û yên beşdarî referandomê bûn pîroz dikim bo vê prosesa demokratîk. Heman demê hêvîdarim hemû pirsgirêk bi aştiyane bêne çareser kirin di navbera Hewlêr û Bexdayê de û ew projeya we bigihe encamê. Hêvîdar im welatên derve mudaxeyên xirab nekin û destwerdanê jî nekin. Li Iraq û Kurdistanê hemû taîfe, mezheb û netewe û ayin hene .Ez li ser rewşa penaberan ditirsim. Hêvîdarim ew bi selametiyê bin û ev yek bêtir dikeve stûyê Bexdayê de.

Dubare vê referandoma demokrat li we pîroz dikim, ku her tişt bi aştî derbas bibe û spasiya we dikim. Herweha pêşerojek xweş bo we dixwazim.

K24