Di dema operasyona hêzên ewlekariya Iraqê ya ji bo kontrolkirina taxa Mişêrife ya Mûsilê de, DAIŞê karesateke mirovahiyê pêk anîn. Mirovên sivîl, dema ji nav agirê şer direviyan, dibûne armanca gullebaran û topbarana DAIŞiyan. Kamerayên Rûdawê, bi dehan çîrokên trajîk ên şerî tomar kirin.

Di nav germ û gura agirê şer de, tenê rêyeke xeter û metirsîdar ji bo reva mirovên sivîl hatiye vekirin. Çekdarên DAIŞê bi qenas û çekên din gulle biser mirovan de dibarînin. Rêya revê, rêya man û nemanê ye.

Gelek dayik û bav, jiber agirê DAIŞiyan mirin û zarok sêvî man. Ewên reviyane, ev demeke dirêje ji av û nan bê par in.

Mûsilî bi birçî û tîn, ji mirinê direvin. Jinekê pîr, jiber germê bê nefes maye û li erdê ketiye. Êdî çokên wê nikarin wê rakin.

Dayikek ji tirsa mirinê zarokê xwe bicîh dihêle. 6 zarokên ku ji nav şer hatine rizgarkirin jî bê dayik û bav mane. Dayik bavên wan hatine kuştin û xelk nizane wan bişîne ku derê. Pîremêrek bi birîndarî ketiye, di nav taya mirinê de ye.

Ji rexekî ve jî 3 malbat bi hevre derketine vê rêya xeter. Lê tenê nûciwanek û xwîşka wî karîne xwe rizgar bikin. Lê herdu jî birîndr in. Hemû endamên van 3 malbatan bûne qurbanê vê karesatê.

Rûdaw di bernameya Red Line de van çîrokan hemûyan û dîmên raste rast ên şerê Mûsilê radixe pêş çavan.

Bernameya Red Line roja Çarşemê, 16ê Gulana 2017, dê liser ekranên Rûdawê be.


Ruda