Ji ber ku parlamenteriya Hevseroka HDPê Fîgen Yuksekdag ji aliyê Parlamentoya Tirkiyê ve hate xistin, Partiya Demokratîk a Gelan HDP dê di 20ê Gulanê de kongreyeke awarte, li dar bixe. Hate diyarkirin ku dê HDP di wê kongreyê de ji bo aşitiyê nexşereyeke nû aşkere bike.
Desteyên berpirs ên HDP’ê hîn jî li ser vê nexşerêyê dixebitin. Partiya desthilat Ak Partî jî vê yekê bi erênî dinirxîne. Lê ew derbarê bicîanîna pêwistiyên vê yekê de pir ne bi hêvî ne.
HDP dê di 20ê vê mehê de kongreyeke awarte li dar bixe û dê li şûna Fîgen Yuksukdag hevserokeke nû hilbijêre.
Berdevkê HDPê Osman Baydemîr diyar kir, ku ew dê di kongreya HDPê de ji bo aşitiyê nexşereyeke nû jî diyar bikin.
Di nava HDPê de li ser naveroka nexşerêyê gotûbêj berdewam in. HDPyî dibejin di serdema nû de ew dê ji bo aşitiyê berpirsariyên xwe bi cî bînin.