Çekdarên DAIŞê êrîşî qampa Ricim Sileybî ya devera Holê li başûrê Hesekê kirin û nêzî 37 kesan hatin kuştin û zêdeyî 30 kesên din jî birîndar bûn.

Li gor nûçeya K24ê, 4 çekdarên DAIŞê bi wesayîta ji cureya Hamer êrîşî qampa Ricim Sileybî kirin û di encamê de nêzî 37 kesên koçber hatin kuştin û zêdeyî 30 kesên din jî birîndar bûn.

Li gorî Heyva Sor a Kurd jî ragihandiye, birîndarên qampê ku piraniya wan ji penaberên Mûsil û koçberên Dêrazorê ne bo nexweşxaneyên bajarê Hesekê hatine veguhestin û birînên çend kesan jî giran in.

Basnews