Roja çarşem 12.04.2017 li Selahedîn birêz Mesûd Barzanî Serokê Herêma Kurdistanê pêşwaziya şandekî bilinda Wezareta Derveyê Brîtanya kir ku ji Tobiyas Îlwod Wezîrê Dewlet yê Karubarê Rojhilata Navîn û Bakûrê Efrîqa ya li Wezareta Derveyê Brîtanya û Frank Baker Balyozê Brîtanya li Iraq û çend şêwirmendeke ji Wezareta Derveyê Brîtanya pêkhatibû.

Li hevdîtinê de şanda mîhvan silavên Serok Wezîra Brîtanya bi Serok Barzanî gihand her wiha ronahî xistin li ser biryar û raspardeyên Lîjneya Asayîşa Brîtanya ku tekez li ser helwestên li ser rewşa Iraq û piştevanîkirina hêzên Pêşmergeyên Kurdistanê kirin ku wekî hêzekî bi bandor li rûbirûbûna terorê de heye. Her wiha şanda mîhvan pêzanînên xwe ji bo qurbanîdan û qehremaniya Pêşmerge û asta hemahengiya di navbera hêzên Pêşmerge û hêzên Artêşa Iraqê ya li şerê terorîstên Da'îş û azadkirina Musilê hebû.

Li vê civînê de bi hurî gumanên her dû aliyan yên di derbarê qonaxa piştî azadkirina Musilê xistin ber behs û guftûgoyan û eve jî dûpat kir ku li qonaxa piştî azadkirina Musilê pêwîste birêvebirin û parastina wî bajarî rengvedanên daxwaza xelk û pêkhatên neteweyî û olî yên parêzgeha Nînowa bê. Her wiha li vê qonaxê da hemahengiya di navbera Hikûmeta Herêma Kurdistanê û Bexda û civaka navdewletî û nîştecihên parêzgeha Nînowa hebê û di derbarê vê babetê de pêşniyar û çareserî hatin nirxandin.