Di heyama salekê de 138 kurd bi tohmet û hêcetên cuda ji aliyê komara îslamî ya Îranê ve hatine îdamkirin.

Li gorî agahî û amarên dezgehên mafên mirov yên Kurdistanê, di heyama sala borî ya Îranê de (ji 21 Adara 2016 heta 21 Adara 2017) 138 girtiyên kurd li zîndan û bajarên cuda yên Kurdistan û Îranê hatine îdamkirin.

Li gorî amaran, girtiyên herî zêde ji ber madeyên hişber hatine îdamkirin û herî zêde jî kurdên Ormiyê hatine îdamkirin ji ber ku 48 girtiyên kurd yên ku hatine îdamkirin, xelkê Ormiyê bûne.

22 girtiyên kurd jî, ji ber çalakiyên mezhebî û siyasî hatine îdamkirin, hinek ji wan jî bi tohmeta kuştin û destdirêjiyê hatine îdamkirin.

Basnews