Li duyemîn salvegera dagîrkirina bajarê Mûsilê ji aliyê DAIŞê ve, Şêwirmendê Encûmena Asayişa Herêma Kurdistanê radigihîne, bo serkeftina Pêşmerge bi ser DAIŞê de, divê Pêşmerge were pirçekirin.

Di 9 Hizêrana 2014an de, çekdarên DAIŞê ji Sûriyê di bin diruşma şerê têkşikandina sînorê Sykes – Picotê derbasî Iraqê bûn, di roja din de karîn Mûsilê dagîr bikin û berve navçeyên din yên Suniyan biçin û dagîr bikin.

Derbarê derketin û belavbûna DAIŞê, Şêwirmendê Encûmena Asayişa Herêma Kurdistanê Mesrûr Barzanî li ser rûpela xwe ya Twitterê bi zimanê Îngilîzî nivîsî: “DAIŞ grûpek bû li Iraqê serî hilda, li Sûriyê geş bû û piştre gihêşte Rojhilata Navîn û bakurê Afrîqyayê, bi wî jî bûne gefek li ser hemû cîhanê.”

Derbarê hêza Pêşmerge û pêwistiyên Pêşmerge bo rûbirûbûna metirsiya DAIŞê û jinavbirina wê metirsiyê ji navçê û cîhanê, Barzanî di twîtteke din de nivîsiye: “Pêşmergeyên me li asta bergîriyê li çeperên şer bi çek e, lê li asta serkeftina yekcar bi ser dijmin de, pêwîstiya wê bi çekî zêdetir heye.”

K24