Parlamenterê HDPê: Ji PKKê peyam nehat!
Serokwezîrê Tirkiyê Binalî Yildirim duh diyar kiribû ku ew dê ti carî dev ji “têkoşîna li dijî PKKê” bernedin û wiha gotibû:
“Ji rêxistina terorî xeber tên ku ew dibêjin; em dikarin bicivin, çekan danin û biaxivin. Tiştekê ya axaftinê nemaye. Ya ku em behsê bikin û li ser biaxivin alaya me ye.”
Lezgin Botan
Parlamenterê Patiya Demokratîk a Gelan (HDP) yê Wanê Lezgin Botan ji Rûdawê re derbarê vê axaftina Binalî Yildirim de got, heger PKK peyamekê bide dê li ser ragihandina xwe belav bike û wiha domand:
“Li gorî şopandina me, daxuyaniyek wîsa ya PKKê nîne. Ev operasyoneke psîkolojîk a civakî ye. Madem ku pêwistiyê bi derewên ew qasî mezin dibînin rewşa wan nebaş e.”
Lezgin Botan anî ziman, AK partî hewl dide “dagirkirî û komkujiya” xwe rewa bike û got: “Tawaneke mezin ê şer û mirovî kirin û têk çûn.”
Hevdîtinên Osloyê
Botan destnîşan kir ku ti derdê wan ê li ser navê PKKê biaxive nîne û wiha pê de çû:
“Mafeke me yê wiha jî nîne. Heger rast be PKK dixwaze çekan dane û AK Partiyê ew pêşniyara red kiriye, ew yek tê wateya ku AK Patî şerî dixwaze. Me weke partiyeke siyasî her tim bang li aliyan kiriye ku çekan bêdeng bikin û em bang dikin jî.”
Berdewamiya axaftinê de parlamenterê HDPê wiha got:
“Ji sala 1993an ve heta niha çend caran PKK û dewlet rûniştine ser masê. Li Osloyê û di heyama 3 salên dawiyê de jî rûniştin. Tişta rast jî ew e. Me weke partî piştgiriya vê yekê kiriye û em dikin jî. Lê aliyê çekan dane PKK ye.”
Rudaw
