Li Hewlêrê merasimek bo bîranîna roja nîştimaniya Amerîkayê hate organîzekirin.

Îro danê êwarê li Hewlêrê bi amade bûna Serokê Kurdistanê birêz Mesûd Barzanî û şêwirmendê civata ewlekariya Kurdistanê Mesrûr Barzanî merasimek bo bîranîna roja nîştimaniya Amerîkayê hate organîzekirin.
Di merasima han de ku tê de hijmareke zêde berpirsên siyasî û îdarî yên Kurdistanê, balyoz û konsulusê Amerîkayê û nunerên welatên biyanî yên li Kurdistanê de tê de beşdarbûn , her yek ji balyoz û konsulusê Amerîkayê gotarek pêşkêş kirin û spasiya Serok Barzanî jî kirin ku beşdariya vê merasima han kiriye.

Herwiha di gotarên xwe de behsa dîroka roja nîştimanî û girîngiya roja han bo Amerîka, rewşa deverê, têkiliyên navbera Kurdistan û Amerîkayê kirin û tekez li ser girîngiya têkiliyên han bo Amerîkayê kirin.

Pişt re jî berpirsê têkiliyên derve yên hikûmeta Kurdistanê Felah Mistefa gotara hikûmeta Kurdistanê pêşkêş kir û pîrozbayiyên hikûmeta Kurdistanê pêşkêş hikûmet û gelê Amerîkayê kir.