Roja pênçşem 17.03.2016 li Selahedîn birêz Mesûd Barzanî Serokê Herêma Kurdistanê pêşwaziya şandekî Encûmena Hizrî û Lêkolîniya Atlantîc kir ku ji Rayan Kroker Balyozê berê yê Amerîka li Iraqê û Serokê Lîjneya Taybet bi paşaroja Iraqê û xanim Nuseybe Yunis Birêvebira Cîhbicîhkara Lîjneya Taybet bi paşaroja Iraqê li Encûmena Hizrî û Lêkolîniya Atlantîc pêkhatibûn.

Li hevdîtinê de di derbarê rewşa Iraq û Kurdistanê û her wiha pêşhat û guhertinên siyasî û emnî û pêşbîniyê wan yê ji bo paşaroja Iraq û navçeyê û Kurdistanê de danustandina bîr û ramanan kirin. Her wiha tîşk xistin li ser şerê Da'îş û hereşeya terorîstan û ew fakterên siyasî karîgerin li ser rêrewa guhertinên navçeyê kirin.

Her li vê hevdîtinê da şanda mîhvan behsa projeya raporekî taybetî kirin ku encûmena wan li ser paşaroja Iraqê amade dike û paşê dixe ber îdareya paşaroja Wîlayetên Yekgirtiyên Amerika.