Mesrûr Barzanî li gel nunerê Sekreterê NY civiya.

Duh Şêwermendê civata ewlekariya Kurdistanê birêz Mesrûr Barzanî pêşwaziya nunerê taybetî yê Sekreterê giştî yê NY yê li Îraqê Jan Kubis û heyeteke pê re kir.

Di destpêka hevdîtinê de heyeta mêwan jiber afirandina derfeta hevdîtina han û herwiha jiber hevkarî û hemahengiyên Kurdistanê spasiya Şêwermendê civata ewlekariya Kurdistanê kir û pişt re behsa prosesa siyasiya Îraqê, pêngavên Serokwezîrê Îraq û aloziyên heyî yên li deverê de kir û got: Mebesta me ji vê serdana han giftûgo kirin li gel rayedarên Kurdistanê ye jiber ku Kurdistan beşeke ji çareseriyê û nimûneyeke ber çave li deverê de.

Di berdewamiya hevdîtinê de Mesrûr Barzanî jî bixêr hatina heyeta NY kir û bi kurtî behsa kêşeyên dîrokî yên li Îraq û deverê kir û got: Kêşeya serekî ya li deverê de girêdayî bi setraktora Îraqê û ew bê baweriya bihêze ku di navbera aliyên siyasî û pêkhateyan deye lewre lawzime rêyeke nû were dîtin bo lihev kom kirina pêkhateyên han, jiber ku di dema diyar kirina sînorên deverê de pirs bi şînî û xelkên wan deveran nehatiye kirin lewre lazime ku civaka cîhanî roleke ektîftir bilîze û bi siyaseteke serdemiyane tev bigere.

Derbarê pêngavên Serokewzîrê Îraqê de jî Mesrûr Barzanî diyar kir ku lazime ev pêngavên han bi rawêj kirin û agehdar kirina pêkhateyên din werin cîhbicîhkirin û nabe reformên abûrî li ser hesabê reformên siyasî werinkirin û lazime ew her du reformên han bihevre werinkirin daku alozî û kêmaniyên heyî aloztir nebin.

Di berdewamiya axaftinên xwe de Barzanî behsa prosesa siyasiya Kurdistanê û şerê dijî terorîstên DIŞIê û ew hijmara zêde ya penaberan yên ku li Kurdistanê dene kir û got: Ew tişta ku niha li Kurdistanê de heye nimûneya pêgehêştî bûna prosesa demokrasiya Kurdistanê ye, lêbelê nêrînên cuda li hember kêşeyan hene lewre veger bo gel û îradeya gel baştirîn bijardeye bo çareser kirina kêşeyên heyî û ew yek zêdetir dîmokratîktire.

Barzanî di berdewamiya gotinên xwe de anî ziman ku aloziyên siyasî li Kurdistanê de ti bandorek li ser eniyên şerê dijî terorîstên DIŞIê nekiriye û hêzên pêşmerge û asayîşê bi yekgirtî û hevbeşî erkên xwe cîhbicîh dikin û hêvî dikim ku aliyên siyasî jî lihev bikin.