Wezîrê Darayî yê Hikûmeta Tirkiyê Mihemed Şîmşek ragihand ku, ew şanaziyê dike ku ew kurd e û xizmeta welatê xwe yê xweş Tirkiye dike.

Mihemed Şîmşe, ku di 3 hikûmetên wî welatî de wek wezîrê darayî cih girtiye, li Lûtkeya Darayî li Stenbolê gotarek pêşkêş kir û tê de got: “Ez kurd in û şanaziyê bi kurdbûna xwe û bi welatê xwe yê xweş, dikim.”

Şîmşek wiha got: “Divê Tirkiye bi rêya demokrasiyê pirsgirêkên xwe çareser bike û eger wisa bike dê ji aliyê aborî de pêşketinên mezin bi dest bîne.”

Wezîrê Darayî wiha domand: “Eger pêvajoya aştiyê bi xerabî bikar nehata, niha rewş dê gelekî ji niha baştirba. Divê welat ê me hemûyan be.”

Rudaw