Fermandarê Pêşmerge Şêx Cafer Şêx Mistefa diyar dike ku Pêşmerge ji berberiya navxwe ya partiyan nîgeran nabe. Lê belê nakokiyên siyasî karîgerî li wan jî dike û ji aliyê derûnî ve ne rehet û aramin.

Fermandarê Hêzên 70 yê Hêzên Pêşmerge Şêx Cefer Şêx Mistefa ji malpera fermî ya Yekitiya Niştimaniya Kurdistanê re ragehand ku lihevnekirina aliyên siyasî û dirêjkirina mijara pirsa hilbijartina serokatiya herêmê, karîgeriyek ne baş li Pêşmerge dike.

Şêx Mistefa dibêje: ”Pêşmerge li dijî rêxistin terorîstî Kurdistan parast, gelek şehîd û birîndar dan. Jiyan û xweşiya xwe jî xistine xizmeta gel, lê belê partiyên siyasî li ser vê hesabê wan pozberiyek na şerefane dikin.”

Fermandarê Pêşmerge diyar dike ku ti pirsgirêk nikarin moralê Pêşmerge bişkînin û heta pirsgirêka darayî jî û dibêje; ”Pêşmerge beriya here nav sengerê jî dizaniya ku birsîbûn, şehîd û birîndar bûn heye. Lê ewên di navenda biryaran de ne divê rewşa wan bifikirin, pêwîstiyên wan û malbatên wan dabîn bikin.”

Şêx Mistefa dibêje, ”Ewê ji bo Pêşmerge ji destê min bê ezê bikim” û diyar dike ku divê Parlamen û wezareta Pêşmerge jiyanek baş bo wan dabîn bike.

Basnews