Serokwezîrê Kurdistanê pêşwaziya Siyasetmedar Mihemed Emîn Pênciwênî kir.

Duh Serokwezîrê Kurdistanê birêz Nêçîrvan Barzanî pêşwaziya Siyasetmedarê Kurd Mihemed Emîn Pênciwênî kir.

Di civînê de behsa rewşa deverê û Kurdistanê û herwiha pêşhatên leşkerî yên vê dawî yên di navbera artêşa Tirkiye û PKKê de hatin nîqaşkirin û herwiha behsa sedemên rawestandina prosesa aştî û dubare destpê kirina şer kirin.

Her di civînê de Pênciwênî behsa rola Nêçîrvan Barzanî di destpê kirina prosesa aştî de û herwiha hevkarî kirin her du aliyan kir û ev rola han bi roleke girîng wesif kir û herwiha daxwaz kir ku niha jî ew rola han bidome daku her du alî vegerin ser maseya danûstandinan.

Li hember de jî Nêçîrvan Barzanî eşkere kir ku bi şer û tundûtîjî ti kêşeyek nayê çareserkirin belku rewşa heyî aloztir dibe û tevahiya aliyan zererê dibînin.

Barzanî herwiha amade bûna xwe bo hevkarî kirina her du aliyan bo dubare destpê kirina diyalog û prosesa aştî diyar kir.