Serokatiya civata wezîrên herêma Kurdistanê bi daxuyaniyeke nivîskî êrîşa balefirên şerî yên Tirkiyeyê bo ser gundê Zargelî li devera Rewandiz ku ew êrîş bo sedema şehîdbûna 8 kesan ku 5 ji wan şêniyên deverê ne, şermezar dike.

Ev li jêr teksta daxuyaniyê:

Sibehiya roja 01.08.2015ê ji encamê êrîşeke balefirên şerî yên Tirkiyeyê bo ser gundê Zargelî li qeza Rewandizê ser bi wîlayeta Hewlêrê, 8 kes şehîd bûn ku 5 ji wan hevwelatiyên herêma Kurdistanê ne û hijmareke din jî birîndar bûn.

Em şehîdkirina hevwelatiyên herêma kurdistanê û êrîşkirina ser gundên herêma Kurdistanê şermezar dikin û daxwazê ji Tirkiyeyê dikin bi hemû awayî xwe ji bombebarana gund û avadaniyên herêma Kurdistanê dûr bixe, di heman demê de daxwazê ji Partiya Karkerên Kurdistanê jî dikin hêzên xwe û barega û saziyên xwe ji gund û avadaniyên herêma Kurdistanê dûr bixin, daku êdî cane hevwelatiyên herêma Kurdistanê berjewendiyên wê nekevine di nav çarçoveya şerê PKKê û Tirkiyeyê de.

Em daxwazê ji her du aliyan dikin bo ser masa danûstandinên direkt vegerin û ji bona vê yekê em amadene hevkariya wan bikin.

Serokatiya civata wezîrên herêma Kurdistanê
01.08.2015