Fermandariya Giştî ya Hêzên Pêşmergeyên Kurdistanê bi daxuyaniyekê bersiva îdîayên Hevserokê PYD'ê Salih Mûslim da û belgeyên çek û teqemeniyên ji bo Kobanê hatine şandin nîşan da û her wiha nameya Mûslim jî parve kir.

Fermandariya Giştî ya Hêzên Pêşmergeyên Kurdistanê bi daxuyaniyekê bersiva îdîayên Hevserokê PYD’ê Salih Mûslim da û belgeyên çek û teqemeniyên ji bo Kobanê hatine şandin nîşan da û her wiha nameya Mûslim jî parve kir.

Fermandariya Giştî ya Hêzên Pêşmergeyên Kurdistanê bi daxuyaniyekî bersiv da îdîayên Hevserokê PYD’ê Salih Mûslim ku digot ”YNK’ê pareyên çekên ji bo Kobanê daye” û diyar kir ku Serokatiya Herêma Kurdistanê û Hikûmeta Herêma Kuırdistanê ev alîkarî şandine Rojava, heta niha jî ev alîkarî berdewam dikin. Fermandariyê her wiha wêneyekê nameya Salih Mûslim ya spasiya Serokatiya Herêma Kurdistanê û lîsteya çekên ku hatine şandin jî parve kir.

Di daxuyaniya Fermandariya Hêzên Pêşmerge de ku wêneyk wê gehişte destê BasNewsê hate gotin: ”Hevkariya xûşk û birayên me yên Rojava û alîkariya Kobanê erkek niştimanî bû. Hê ji destpêka êrîşa terorîstan ya li ser Rojava, Serokatiya Herêma Kurdistanê û Hikûmeta Herêma Kurdistanê bi berdewamî û şêweyên cûda alîkariya mirovî û lşekerî gehande Rojava.”

Di nav daxuyaniyê de lîsteya çekên ku ji bo Rojava hatine şandin jî hate weşandin.

Daxuyaniyê de hate aşkerekirin ku li hember van alîkariyan Hevserokê PYD’ê Salih Mûslim di 15’ê Cotmehê de nameyek fermî bo Serokatiya Herêma Kurdistanê şandiye û tê de jiber alîkariyan spasî kiriye.

Nameya Salih Mûslim wiha ye:

Birêz Mesûd Barzanî Serokê Herêma Kurdistanê

Spasî ji dilve ji sekna we ya li kêleka berxwedana pîroz ya li Kobanê û tevahiya Rojavayê Kurdistanê tê meşandin.

Bi nameyê ve lîsteyek tiştên bilez pêwîstin têne nivîsîn. Wek em axivîne. Em bi hêvîne ku di kurttirîn demê de bêne temînkirin.

Salih Mûslim

15/10/2014


Basnews