Parlamentera HDPê Dîlek Ocalan daxwaza azadiya xalê xwe kir
Duh li navçeya Pirsûsê ya Rihayê, “sêyemîn salvegera şoreşa Rojavayê Kurdistanê” hat pîrozkirin.
Di çalakiyê de bi sedan alîgir û endamên HDPê beşdar bibûn û daxwaza azadiya Ocalan kirin.
Parlamentera herî genc a HDPê û xwarziya Ocalan, Dîlek Ocalan jî di çalakiyê de derket ser dikê û daxwaza azadiya xalê xwe kir û got, divê êdî Ocalan di nav gel de û pirsgirêk ji aliyê wî ve bên çareserkirin…
Jibilî Dîlekê, Hevseroka HDPê Fîgen Yûksekdag û hevseroka Partiya Herêmên Demokratîk (DBP) Emîna Ayna jî axivîn.
Partiya Yekitiya Demokratîk (PYD), PKK û HDP û yên nêzîkî wan dibêjin, roja 19ê Tîrmeha 2012ê û li bajarê Kobanî, şoreşa Rojavayê Kurdistanê dest pê kir lê ENKS û partiyên nêzîkî wê vê yekê qebûl nakin.
Rudaw
