Parlemana Sûriyeyê di civîneke xwe de biryar da ku hikûmeta wî welatî 1 milyar dolar ji Îranê qerz bike. Li gor nûçeyeke malpera ISNA ya Îranî, ji bo wergirtina wî pereyî, pêştir di meha bihorî de Banka Bazirganî ya Sûriyeyî bi Banka Geşepêdan a Îranê re rêkevtinek îmza kiriye.


Li gor wê rêkevtinê, biryar e ew pereyê ku ji Îranê wek piştevanî tê qerzkirin, bo kirîna tiştan û cîbicîkirina projeyan li Sûriyeyê bihê xerckirin.

Îran 2 sal berî niha jî bi qasî 4 milayr û 600 milyon dolar alîkarî dabû hikûmeta Sûriyeyê, ji bilî alîkariyên leşkerî ku didema rejîma serokê wî welatî Beşar Esed.