Fermandeyên Pêşmerge dibêjin, 3 cih û çeperên girîng ên ku ji bo standina Mûsilê stratejîk in, di destê Pêşmerge de ne.

Amadekariyên operasyona standina bajarê Mûsilê ji DAIŞê didomin.

Bajarê Mûsilê duyemîn bajarê Iraqê ye û hêzên Pêşmerge, artêşa Iraqê, milîsên şîe (Heşda Şeibî) û milîsên sunnî (Heşda Wetenî) xwe ji operasyona Mûsilê re amade dikin.

Serokerkanê Pêşmerge Cemal Êminkî li ser standina Mûsilê got, sê aliyên bajarê Mûsilê ji aliyê Pêşmerge ve hatine kontrolkirin ku ew her sê alî cih û çeperên stratejîk in ji bo girtina Mûsilê.

Fermandeyên Pêşmerge dibêjin, Pêşmerge dizane û dikare şer bike û cihên ku dikevin destê Pêşmerge jî êdî DAIŞ nikare bigire…

Bajarê Mûsilê zêdetirî salekê ye di destê DAIŞê de ye.

Rudaw