Dezgeha Xêrxwazî ya Barzanî li Girê Spî û Kobanî alîkariyan belav dike
Peyamnêrê Rûdawê li Kobanî ragihand ku piştî derxistina DAIŞê ji Girê Spî û vebûna rêya di navbera herdu herêmên Cizîr û Kobanî re, Dezgeha Xêrxwazî ya Barzanî karwanekî alîkariyan bi rêya bejayî re gihande Girê Spî û Kobanî.
Ew alîkariyên ku ji 110 ton pêdiviyên xwarinê û 200 hezar lîtir sûtemenî pêk dihatin, bi deriyê sînorî yê Sêmalka re derbasî Rojavayê Kurdistanê bibûn û ev 2 rojbûn dezgehê ew alîkarî li Girê Spî û Kobanî belav dikirin.
Piştî kontrolkirina Girê Spî ji aliyê hêzên Volkana Ferat û YPGê ve, ev cara yekemîn e ku Dezgeha Xêrxwazî ya Barzanî alîkariyan dighîne Girê Spî.
Herwiha cara yekemîn e ku Dezgeha Barzanî di rêya Rojavayê Kurdistanê re alîkariya digihîne Kobanî.
Di dema borî de jî 5 caran, dezgehê bi rêya Bakurê Kurdistanê re alîkarî gihandibûn xelkê Kobanî.
Rudaw
