Fermandarekî Pêşmerge şehîd bû
Berdevdê Lîwaya 12 ya Wezareta Pêşmerge, Rêkewt Mihemed ragihand: “Îro saet 10:30, Berpirsê Odeya Tevgera Lîwaya 6 ya ser bi Wezareta Pêşmerge ve Muqedem Bekir Xidir di encama teqîna bombeke vedayî de şehîd bû, herwiha efserekî Pêşmerge jî birîndar bû.”
Rêkewt Mihemed wiha got: “Teqîna wê bombeyê di demekê de hat, ku ew fermandar û çend efser û pêşmergeyên din li nêzîkî pira Zerge (35 km dûrî bajarokê Xurmatû) mijûlî pûçkirina bombeyan vedayî bûn.”
Muqedem Bekir Xidir li gundê Girtik yê ser bi nahyeya Sengeser ya parêzgeha Silêmaniyê û niha mala wî li nahyeya Haciyawe ya ser bi îdareya Raperîn e.
