Komisiyona Bilind a Hilbijartinên Tirkiyeyê (YSK), encamên demkî yên hilbijartinên 7ê Hezîranê yên Tirkiyeyê pesedn kir.


Li gorî encamên ku komisiyona bilinda hilbijartinên Tirkiyeyê belav kiriye, di hilbijartinên ji bo parlemana wî welatî de 56 milyon û 608 hezar û 817 hilbijêran mafê dengdanê hebûne û ji wê hejmarê, 47 milyon û 507 hezar û 389 kesan beşdarî di dengdanê de kirine û dengê xwe bi kar anîne.

Komisiyonê herwiha daye xuyakirin, ji dengên hatîn bikaranîn jî 46 mîlyon û 161 hezar û 49 deng hatine qebûlkirin û mîlyonek û 346 hezar û 340 deng jî hatine betalkirin.

Li gor daxuyaniya komisiyona hilbijartinên Tirkiyeyê, rêjeya beşdarbû di hilbijartinên vê carê de %83.92 bûye.

Li gorî encamên demkî yên hilbijartinê rêje û hejmara dengên herçar partiyên sereke standîn wiha ye:

AK Partiyê ji sedî 40.87 deng standiye û hejmara dengên wergirtî jî 18 mîlyon û 863 û 832 ye.
CHPê ji sedî 24. 95 deng wergirtiye û hejmara dengên wergirtî jî 11 mîlyon û 518 hezar û 404 e.
MHPê ji sedî 16,29 deng standiye û hejmara dengên wergirtî jî 7 mîlyon û 519 hezar û 103 ye.
HDPê jî ji sedî 13.12 deng standiye û hejmara dengên werirtî jî 6 mîlyon û 58 hezar û 150 ye.

Herwiha partiya ku ji bo kurdan daxwaza federasyonê dikir Hak-Parê jî 58 hezar û 698 deng wergirtine.

Herwiha hatiye ragihandin, ku li derveyî Tirkiyeyê jî AKPê 462 hezar û 316 deng, CHPê 146 hezar û 82 deng, MHPê 83 hezar û 383 deng û HDPê jî 196 hezar û 771 deng bi dest anîne.