Çekdarên DAIŞê îşev li navenda bajarê Şingalê êrişî ser hêzên pêşmerge kirin, lê rastî berxwedana pêşmerge hatin û êrişa wan hat têkşikandin.

Fermandeyê Lîwaya 12 a Hêza Pêşmerge li Şingalê emîd Izedîn Seido ragihand: “Îşev şeva duşemiyê di saet 21:15an de li gor dema Hewlêrê, çekdarên DAIŞê li rojavayê bajarê Şingalê êrişî hêzên pêşmerge kirin, lê rastî berteka tund a hêzên pêşmerge hatin û êrişa wan hat têkbirin.”

Izedîn Seido got: “Di vê êrişê de, DAIŞê çekên navend û giran bi kar anîn, lê nekarîn ti zirarekê bigihînin hêzên pêşmerge û li hember de zirarek mezin gihîşt çekdarên wê rêxistinê.”

Seido herwiha ragihand: “Di vê êrişê de, hêzên pêşmerge tenê bi rêya erdê şer kirin û balafirên hevpeymaniya navdewletî ti alîkarî nedan pêşmerge.”