Di berdewamiya serdanan xwe ya bo Duhokê, Nêçîrvan Barzanî serokwezîrê herêma Kurdistanê, li bajarê Duhokê, digel walî, rêvebir û berpirsên yekîneyên îdareyê û saziyên hikûmetê li wîlayeta Duhokê civiya.

Beşdarên civînê behsa pirsgirêkên saziyên xizmetgozarî li sînorê wîlayeta Duhokê kir û pêdawîstiyên wîlayetê di hemû waran de weke; av, elektirîk, saxlemî, perwerde, şaredarî, xurak, emniyet, hêzên navxwe, rê û cadeyan kir û diyar kirin ku ji sedema şerê dijî terorê û hatina hijmareke zêde ya koçber û penaberan bo wîleyata Duhokê barekî giran xistie ser hemû saziyên fermî.

Nêçîrvan Barzanî bi navê xwe û hikûmeta herêma Kurdistanê sipasiya kar û xebatên saziyên xizmetgozariyên wîlateya Duhokê kir ku bi awayekî gelek baş pêşwazî li koçber û penaberan kir û hewandin û pêdawîstiyên rojane jê re dabîn kririn û got ku hikûmeta herêma Kurdistanê dê hewil bide hemû pêdawîstiyên aliyên peywendîdarên tixûbê wîlayeta Duhokê dabîn bike daku bikaribin xizmetgozariyên pêwîst pêşkeş bi hevwelatiyan, koçber û penaberan bikin û saziyên hikûmetê weke pêwîst kar û çalakiyên xwe bi cî bikin.