Hevserokên şaredariya Amedê ragihandin, şaredariya Amedê jî dê bi kişandina hêla ava vexwarinê û çêkirina sîstema kanalîzasyona Kobanî tevlî qonaxa nûavakirina Kobanî bibe.

Hevserokên şaredariya Amedê Gultan Kişanak û Firat Anli duh serdana bajarê Kobanî kirin û bi Serokê Kantona Kobanî Enwer Mislim re hevdîtin pêk anîn.

Piştî hevdîtinê şanda Amedê û rayedarên Kobanî civînek rojnamevaniyê li dar xistin û li ser naveroka hevdîtinê agahî dan.

Hevşaredarê Amedê Firat Anli di daxuyaniyek taybet de bo Rûdawê got, me di civînê de li ser nûavakirina Kobanî axivî û da zanîn, şaredariya Amedê jî dê bi kişandina ava vexwarinê û çêkirina sîstema kanalîzsyona Kobanî tevlî nûavakirina bajêr bibe.

Anli anî ziman ku Kobanî bi tenê nîne çimkî Bakur û Başûr li pişta Kobanî ne.

Rudaw