Roja dûşem 18.05.2015 li Selahedîn birêz Mesûd Barzanî Serokê Herêma Kurdistanê û birêz Kosret Resul Cîgirê Serokê Herêma Kurdistanê serpereştiya kombûna Fermandeyên mîhwerên rûbirûbûna terorîstan kirin.

Li vê civînê de ku bi amadebûna Cîgirê Serokê Encûmena Wezîran, Wezîrên Pêşmerge, Navxo, Tendirustî û Avadankirina Hikûmeta Herêma Kurdistanê birêveçû, bi xulekek rawestana ji bo rêzgirtina li giyanê pakê şehîdên Kurdistanê û şehîdên şerê dijî terorîstan destpêkir û amadebûyan hêviya başbûna birîndarên şerê Da'îşê xwest û xweragirî û qehremaniya hêzên Pêşmergeyên Kurdistanê li beranber terorîstan bilind nirxand.

Li vê hevdîtinê de Serok Barzanî tîşk xiste li serdana xwe ya Amerîka û welatên Ewrupa û tekez li wê yekê kir ku Serok û berpirsên cîhanê bi rêz û pêzanînê ve temaşa qehremaniya Pêşmerge dikin û ji bo wan Pêşmergeyên canê xwe gorî kirine û şehîd bûne serxweşiyê jî li gelê Kurdistanê kirin û destxweşiyê li serkeftinên hêzên Pêşmergeyên Kurdistanê kirin.

Li beşekî dinê civînê de Fermandeyên meydaniyên hêzên Pêşmergeyên Kurdistanê behsa rewşa bereyan û jiyan û guzeraniya Pêşmerge û pêdiviyên hêzên Pêşmergeyên Kurdistanê kirin û têbînî û pêşniyarên xwe ya ji bo baştirkirina rewşa Pêşmerge û bereyên şer xistin rû. Her li vê kombûnê da Cîgirê Serok û Wezîrên Hikûmeta Herêma Kurdistanê soza wê yekê dan ku kar ji bo nehiştina kêmasiyên hêzên Pêşmergeyên Kurdistanê bikin û piştgîriya xwe ya tevahî jî ji bo hêzên Pêşmerge û malbatên şehîd û Pêşmergeyan û her wiha çareserkirina birîndarên şerê terorîstan dûpatkirin.