Duh yekşem 10.05.2015 birêz Mesûd Barzanî Serokê Herêma Kurdistanê bi serdanekî fermî û li ser vexwendina welatê Macarîstanê (Hengarya) gihîşte bajarê Budapeştê ya paytexta Macarîstanê û ji aliyê Cîgirê Wezîrê Derveyê wî welatî û hejmarek ji berpirsên Wezareta Derve ve hate pêşwazî kirin.

Piştî gihîştina bajarê Budapeştê ji aliyê Peter Sparto Wezîrê Bergiriyê Macarîstanê ve şîvek ji bo Serok Barzanî û şanda li gel hate rêkxistin.

Hêjayî gotinê ye li vê serdanê da Mesrur Barzanî Şêwirmendê Encûmena Asayîşa Herêma Kurdistanê, Mistefa Seyîd Qadir Wezîrê Pêşmerge, Fuad Husên Serokê Dîwana Serokayetiya Herêma Kurdistanê, Derbaz Kosret Resul Wezîrê Avadankirinê û Felah Mistefa Berpirsê Fermangeha Peywendiyên Derveyê Hikûmeta Herêma Kurdistanê şanda Serok Barzanî pêktînin.