Hat zanîn ku li bajarê Sine yê Rojhilatê Kurdistanê hêzên ewlehiyê yên Îranê ji bo ku nehêlin ti xwepêşandanek ji bo Mehabadê were kirin, li nav bajêr belav bûne û kesên “şikber” jî digirin.

Piştî ku li bajarê Mehabadê ji bo protestokirina mirina bi guman a keça kurd Ferînaz Xusrewanî xwepêşandan hat kirin, rêjîma îslamî ya Îranê li gellek bajar û deverên Rojhilat tedbîrên tund ên ewlehiyê girtiye.

Li Sine jî hêzên ewlehiyê bi kincên sivîl û leşkerî û bi motorsîklêtan li nav bajêr de belav bûne û hatin-çûyîna welatiyan çavdêrî dikin.

Li gorî malpera KurdPa, duh li Sine 3 xortên kurd ji aliyê hêzên ewlehiyê ve hatin girtin, bêyî ku sedema girtina wan were zanîn.

Rudaw