Serokayetiya Parlamentoya Kurdistanê di çarçoveya hevdîtinên xwe ligel aliyên siyasî de ji bo gotûbêjkirina reşnivîsa destûra Herêma Kurdistanê de, dê îro ligel Yekîtiya Niştimanî ya Kurdistanê (YNK) bicive.

Sekreterê Parlamentoya Kurdistanê Fexredîn Qadir ji Rûdawê ragihand ku Serokayetiya Parlamentoyê dê îro saet 12:00ê li bajarê Silêmaniyê ligel YNKê bicive.

Biryar bû ew civîn roja pêncşemê ya borî bihata lidarxistin, lê civîn ji bo îro şemiyê hatibû paşxistin.

Serokayetiya Parlamentoya Kurdistanê derbarê makezagona destûra Herêma Kurdistanê de heta niha ligel Tevgera Goran, Komela Îslamî ya Kurdistanê û Yekgirtûya Îsalmî ya Kurdistanê civiya ye.

Biryare derbarê heman mijarê de ligel Partiya Demokrat a Kurdistanê (PDK) jî bicive.

Rudaw