زیاد ڕەئووف بە مەدالیای ١١٥ ساڵەی دامەزرانی سەندیكای هونەرمەندانی پۆلۆنیا ڕێزی لێ گیرا

خەڵاتەكە ڕێزلێنانێکە بۆ ئەو کەس و دەزگایانەی کە پاڵپشتی هونەرمەندان دەکەن و بەشدارن لە بوونی هونەر لە ژیانی کۆمەڵایەتی و ڕۆشنبیری ناوچەکەدا.

ئەم مەدالیایە بەهۆی هاوکاریی ١٥ ساڵەی لەگەڵ لقی کراکۆڤ و پشتگیریکردنی هونەرمەندانی شێوەکاری پۆڵەندی و یارمەتییەکانی بۆ پێشخستن و ناساندنی کارەکانیان و هەوڵەکانی بۆ بەناوبانگکردنی هونەر لە کۆمەڵگادا بەخشرا.

پاساوی ئەو شەرەفە جەختی کرد لەسەر میهرەبانی و هۆشیاریی ناوبراو لە ڕۆڵ و گرنگی هونەر بۆ گەشەپێدانی ڕۆشنبیری و کۆمەڵگە بە گشتی.

بەخشینی ئەو مەدالیایە، لوتکەی هاوکارییە درێژخایەنەکانی زیاد ڕەئووفە لەگەڵ کۆمەڵگەی هونەری . توخمێکی سەرەکی ئەم هاوکارییە پشتگیریکردن بوو لە هونەرمەندانی شێوەکاری و پەیکەرساز و جۆرەکانی تری هونەری بینراو، هەروەها بەرەوپێشبردنی کارەکانیان و دروستکردنی دەرفەت بۆ پێشکەشکردنی هونەرەکەیان بۆ خەڵک و کۆمەڵگا.

زیاد ڕەئوف دەیان ساڵە پەیوەندییەکی فراوانی بە چالاکییە کولتوورییەکان و پاڵپشتی هونەریەوە هەیە. لە بەڵگەنامەی خەڵاتکردنەکەدا وەک پاترۆنێکی بەردەوامی هونەر وەسف دەکرێ . ئەم مەدالیایە گرنگییەکی تایبەتی هەیە بۆ ئەو کەسەی کە خەڵاتی پێبەخشراوە، چونکە ڕاستەوخۆ پێدانان و ڕەنگدانەوەی هاوکاری درێژخایەنە لەگەڵ یەکێک لە کۆنترین و گرنگترین کۆمەڵگە هونەریەکانی ئەوڕوپایە.