ناسری ڕەزازی بەرهەمێكی نوێی بەناوی (كوردم) بڵاوكردەوە
هونەرمەندی دیاری كورد (ناسری ڕەزازی) لە كەناڵی فەرمیی لە تۆڕی ڤیدیۆیی یوتیوب,بەرهەمێكی نوێی نەتەوەیی و نیشتمانی بەناوی (كوردم) بڵاوكردەوە كە تێكستی بەرهەمەكە لەلایەن شاعیری لاو (مازیار فایەق) نووسراوە و مێلۆدییەكەی لە فۆلكلۆری ئازەری وەرگیراوە.
ڤیدیۆ كلیپی ئەم گۆرانییە بەشێوەی زیرەكی دەستكرد لەلایەن (وەلید جاف)بەرهەمهاتووەو (زرنگ مەهدی) كاری دابەشكردن و (هیمەن ڕەسوولیان)موزیكی بەرهەمەكەی ئامادەكردووە,هەروەها هەردوو موسیزیان(ڕەگەز قاسم)بە ئامێری ساز و (حەمید پیرە)بە ئامێری باڵەبان لە بەرهەمەكەدا بەشدارن.
گوڵان-ئاسۆ كاكەیی
