وتەبێژی سەرۆک وەزیرانی بەریتانیا ڕایگەیاند: کە وڵاتەکەی لەگەڵ سەرکردەکانی ئەڵمانیا و ئیتالیا کۆمەڵێک بژاردە بۆ پشتیوانی لە کەشتییە بازرگانییەکان لە گەرووی هورمز و بەرەنگاربوونەوەی هەڕەشەکانی ئێران تاوتوێ دەکەن.

وتەبێژی حکومەتی بەریتانیا ڕایگەیاند، ئەو دانوستانانە لە کاتێکدایە کە نیگەرانییەکان سەبارەت هەڕەشەکانی ئێران بۆ سەر ئاسایشی ڕێگا دەریاییەکان  ڕوو لە زیادبوون دەکەن و ئامانج لێی دڵنیابوونە لە سەلامەتی کەشتییە بازرگانییەکان لە یەکێک لە گرنگترین ڕێڕەوەکانی وزە لە جیهاندا.

بەگوێرەی ڕاپۆرتەکە، سەرکردەکانی هەر سێ وڵاتەکە جەختیان لە "گرنگییەکی ژیانی ئازادی کەشتیوانی" لە گەرووی هورمز کردەوە و ڕێککەوتن لەسەر کارکردن لە نزیکەوە و هەماهەنگی زیاتر لە چەند ڕۆژی داهاتوودا بۆ بەرەنگاربوونەوەی مەترسییە ئەگەرییەکان بۆ سەر کەشتیوانی.

 

 

 

گوڵان: سەردار خەلیل