سامسۆنگ زنجیرەی Galaxy S26ی (S26، S26+، Ultra) بە تەکنەلۆژیای پێشکەوتووی Galaxy AI ڕاگەیاند. ئەم زنجیرە نوێیە ئەرکە ئاڵۆزەکانی ڕۆژانە و دروستکردنی ناوەڕۆک زۆر ئاسان دەکات و یارمەتی بەکارهێنەر دەدات بە کەمترین هەوڵ بگاتە باشترین ئەنجام.
بەڕێوەبەری جێبەجێکار و سەرۆکی لیژنە و سەرۆکی بەشی ئەزموونی مۆبایل لە سامسۆنگ ئەلیکترۆنیک دەڵێت: "زیرەکی دەستکرد تەکنەلۆژیایەکی باوەڕپێکراو دەنوێنێت کە دەتوانرێت متمانەی پێبکرێت بۆیە لە پەرەپێدانی زنجیرەی Galaxy S26، جەختمان لەسەر ئاسانکردنی ئەزموونی AI کرد بۆ ئەنجامدانی ئەرکەکان بە شێوەیەکی ئۆتۆماتیکی و بێدەنگ لە کاربەرنامەکانی پاشبنەمادا، دەرفەتی ئەوە بە بەکارهێنەران دەدەین کە تەرکیز لەسەر ئەنجامدانی گرنگترین ئەرکەکان بکەن.

Galaxy S26 Ultra بە چارەسەرکەری نەوەی پێنجەمی Snapdragon® 8 Elite دابینکراوە، کە بەتایبەتی بۆ ئامێرەکانی Galaxy دیزاین کراوە، لەگەڵ پێشکەوتنی بەرچاو لە تواناکانی CPU، GPU و NPU.
ئەدای یەکەی چارەسەری ناوەندی (CPU) تا ٪19 باشتر بووە، ئەدای یەکەی چارەسەرکردنی دەماری (NPU) بە رێژەی ٪39 پاڵپشتی توانای ئامێرەکە دەکات و ئەدای یەکەی چارەسەرکردنی گرافیکی (GPU) بە رێژەی ٪24 باشتر کراوە .
تەکنەلۆژیای Super-Fast Charging 3.0 پشتگیری بەکارهێنانی بەردەوام دەکات بە درێژایی ڕۆژ، چونکە دەتوانێت پاتری ئامێرەکە تا 75٪ لە ماوەی 30 خولەکدا بارگاوی بکات، هەروەها تایبەتمەندی ProScaler وردی پیشاندەری وێنە و ڤیدیۆکان باشتر دەکات.
کامێرای Galaxy S26 Ultra دیمەنی هاوێنەی فراوانتری هەیە، کە ڕێگە بە رووناکی زیاتر دەدات بگاتە هەستەوەرەکە، کە وێنەیەکی ڕوونتر و وردەکاری بەرز لە بارودۆخی رووناکی نزمدا دەستەبەر دەکات، تەنانەت لەکاتی بەکارهێنانی کرداری زووم، هەروەها مەودای پەرەسەندنەکان لە تەکنەلۆژیای چارەسەرکەری سیگناڵ بە AI فراوان کراوە بۆ ئەوەی کامێرای پێشەوە بگرێتەوە، لەلایەکی دیکەوە تایبەتمەندی Creative Studio یارمەتیدەرە لە ئاسانکردنی پرۆسەی دەستکاریکردن بە دابینکردنی بۆشاییەکی یەکگرتوو بۆ داهێنان و تایبەتمەندیکردن، گۆڕینی بیرۆکە ئیلهامبەخشەکان بۆ ئەنجامێکی بەرجەستە.
تایبەتمەندی Now Nudge پێشنیاری زیرەکانە و لەکاتی خۆیدا پێشکەش دەکات بۆ یارمەتیدانی بەکارهێنەران بۆ بەردەوامبوون لە ئەرکەکانیان بەبێ سەرقاڵبوون، تایبەتمەندی Now Brief لە زنجیرەی Galaxy S26 باشتر کراوە بۆ باشترکردنی توانا چالاک و کەسییەکانی.
زنجیرەی Galaxy S26 کۆمەڵێک یاریدەدەری AI تێکەڵ دەکات، لەوانە Bixby، Gemini و Perplexity. بەکارهێنەران دەتوانن لە ڕێگەی فرمانی دەنگییەوە ئەرکەکان ئەنجام بدەن. زنجیرەکە وەشانێکی پێشکەوتووی کاربەرنامەی Bixby پێشکەش دەکات، کە وەک یاریدەدەرێکی زیرەک لە گفتوگۆکاندا کار دەکات، ئەزموونی کارلێک لەسەر ئامێرەکانی Galaxy لە هەموو کاتێک ئاسانتر دەکات، بۆ نموونە، کاربەرنامەی Gemini ڕێگە بە بەکارهێنەران دەدات بە یەک داواکاری تەکسی بگرن.

Galaxy S26 Ultra چەمکێکی نوێی تایبەتمەندی ئاستی پیکسڵ لە ڕێگەی پیشاندەری تایبەتمەندی ناوخۆیی پێشکەش دەکات، کە یەکەمین جۆری خۆی لە پیشەسازیدا. ئەم تەکنەلۆژیای پیشاندەرە نوێیە پێشکەوتنێکی گرنگ لە پاراستنی Privacy Displayدەنوێنێت. بۆ بەرزکردنەوەی تایبەتمەندی بەکارهێنەر لە شوێنە گشتییەکان.
زنجیرەی Galaxy S26 پاراستنی نەرمەواڵەی زیرەکتر پێشکەش دەکات کە بە بێدەنگی لە کاربەرنامەکانی پاشبنەمادا کار دەکات. تایبەتمەندی پشکنینی پەیوەندی بە AI پەیوەندیکەرە نەناسراوەکان دیاری دەکات و هۆکاری پەیوەندیەکە کورت دەکاتەوە، یارمەتی بەکارهێنەران دەدات بە سەلامەتی پەیوەندیەکان بەڕێوە ببەن. زنجیرەی Galaxy S26 بە توانای بەرگەگرتن لە هەڕەشە ئەمنییەکان ناسراوە، چونکە سامسۆنگ داهێنانەکانی لە رەمزاندنی پاش کوانتەمی پێشخستووە بۆ داپۆشینی ئەرکەکانی سیستەمی کارپێکردن، لەوانە سەلماندنی نەرمەواڵە و پاراستنی پتەوواڵە، بەهێزکردنی تەواوکاری ئامێر و ئامادەکردنی بۆ هەڕەشەکانی داهاتوو.
بەرزکردنەوەی تەکنەلۆژیای Knox Matrixهەروەها یارمەتیدەر بووە لە بەهێزکردنی ئاستی پاراستن بۆ ئامێرە گرێدراوەکانی Galaxy ، زیادکردنی تواناکانی رەمزاندنی پاش کوانتەمی بۆ گواستنەوەی راستەوخۆ داتا، وەک ئەوانەی لەسەر eSIM.
ئەم تایبەتمەندیانە بە کۆمەڵ لەلایەن سامسۆنگ نۆکسەوە پشتگیری دەکرێن، پلاتفۆرمێکی ئاسایشی فرە چینی کە ئامێرەکانی Galaxy لە ئاستی چیپ و پێکهاتەکان دەپارێزێت تا هەموو سیستەمەکە. Personal Data Engineلەسەر ئەو ئامێرانەی کە بە Galaxy AI دابینکراون ئەزموونی AI کەسی نایاب دابین دەکات کە گونجاوە بۆ چوارچێوەی بەکارهێنان. لە هەمان کاتدا، Knox Enhanced Encrypted Protection (KEEP)ئەم پرۆسانە بە رەمزاندنی داتای هەر کاربەرنامەیەک دەپارێزێت، لە کاتێکدا Knox Vault پارێزگارییەکی زیاتر بۆ پێکهاتە فیزیکییەکان پێشکەش دەکات بە جیاکردنەوەی داتای هەستیار لە نێو توخمە پارێزراوەکانی.
زنجیرەی Galaxy S26 پشتگیری ئاسانی بەکارهێنان دەکات تەنانەت کاتێک ئامێرەکە لە دەرەوەی دەستە و بە شێوەیەکی ڕێک و پێک لەگەڵ Galaxy Buds4 ی نوێ جووت دەبێت بۆ فراوانکردنی ئەزموونی ئامێری ڕۆژانە، لەوانە ئەزموونی دەنگی Hi-Fi. کاتێک لەگەڵ Galaxy Buds4 جووت دەکرێت، بەکارهێنەران دەتوانن بەردەوام بن لە چالاکییە ئاساییەکانیان لە بارودۆخێکدا کە بەکارهێنانی دەستیان سەختە، ڕێگەیان پێدەدات کاربەرنامەکانی AI لە ڕێگەی فەرمانە دەنگییەکانەوە چالاک بکەن.