دوابەدوای کاردانەوە نێودەوڵەتییەکان بەرامبەر بە سەرکوتکردنی خوێناویی ناڕەزایەتییەکان لە ئێران، ژمارەیەک لە بەرپرسانی باڵای سیاسی لە ئوسترالیا و ئەورووپا کردەوەی کۆماری ئیسلامییان شەرمەزار کرد و پشتیوانی ئاشکرای خۆیان بۆ ڕاپەڕینی جەماوەری ڕاگەیاند و خوازیاری هەنگاوی یەکلاکەرەوەی کۆمەڵگەی نێودەوڵەتی دژی تاران بوون.

وەزیرانی دەرەوەی ئوسترالیا و سوید سەرکوتی کۆماری ئیسلامییان شەرمەزار کرد و لە کۆنگرەیەکی ڕۆژنامەوانیدا ڕایانگەیاند، کە وڵاتەکانیان لەگەڵ خەڵکی ئێران وەستاون.

هاوکات ڕاوێژکاری ئەڵمانیا ڕایگەیاند: کە کۆماری ئیسلامی تەنیا بە پشت بەستن بە هێزی بایۆنێت توانای پاراستنی دەسەڵاتی هەیە و ئەم ڕاستییە نیشان دەدات کە سەردەمی ئەم ڕژیمە لە کۆتایی نزیک بووەتەوە.

لە هەمان کاتدا ڕێبەری پارتی چاکسازی بەریتانیا و یەکێک لە کەسایەتییە سیاسییە دیارەکانی وڵات، پەیامێکی لە تۆڕی کۆمەڵایەتی ئێکس بڵاوکردەوە و پشتیوانیی پتەوی خۆی بۆ ڕاپەڕینی جەماوەری لە ئێران ڕاگەیاند.

لە دوایین هەڵوێستی سەرۆکی کۆمیتەی گەورەکردنی ناتۆی نەمسا پەیامێکی بڵاوکردەوە و حکومەتی ئێرانی بە "ڕژێمێکی تیرۆریستی" وەسف کرد و نووسی: داوا لە یەکێتیی ئەورووپا و ناتۆ دەکەم شەڕ لە دژی ڕێژیمی تیرۆریستی ئێران ڕابگەیەنن و ئازادی گەلی ئێران وەک ئامانجێکی ستراتیجیی ئەورووپا لە ئێستاوە ڕابگەیەنن.

 

 

 

گوڵان: سەردار خەلیل